Узган атнада Алексеевск районында Татарстан Республикасы Дәүләт Советы Рәисе урынбасары Татьяна Ларионова булды

Узган атнада Алексеевск районында Татарстан Республикасы Дәүләт Советы Рәисе урынбасары, Милли проектлар үтәлешен контрольдә тоту буенча эшче төркем рәисе Татьяна Ларионова булды.

Татьяна Петровна район башлыгы Сергей Демидов белән Юеш Көрнәледә капиталь ремонтлана торган мәдәният йортында, Левашево авылындагы яңа ФАПта һәм район үзәгендәге Алексеевск аграр көллиятендә булды, шулай итеп ул безнең районда илкүләм проектларны гамәлгә ашыруның барышы белән танышты.

Шулай ук ул Алексеевск районында мәгариф хезмәткәрләренең август конференциясендә дә катнашты. Советлар Союзы Герое Иван Кочнев исемендәге икенче мәктәптә делегация эзтабарлар күргәзмәсе, яшь хәрәкәт активистлары отрядының эше белән танышты. Шулай ук кунакларга хокук саклау яшьләр отрядлары парадын тәкъдим иттеләр. Робот техникасы клубында катнашучылар да үз казанышлары турында сөйләделәр.

Пленар утырыш эшендә шулай ук Татарстан Республикасы мәгарифне үстерү институты ректоры Ногманова Людмила Николаевна һәм Лобачевский исемендәге лицей директоры Скобельцева Елена Германовна да катнашты.

Утырыш барышында узган уку елына йомгак ясадылар һәм Алексеевск районында мәктәпкәчә һәм мәктәп белемен үстерү стратегиясе турында фикер алыштылар.