Язгы чакырылыш

Район прокуроры урынбасары Ринат Баймуратов безгә хәбәр иткәнчә, хәрби хезмәткә 18 дән алып 27 яшькә кадәр, хәрби исәптә торган, запаста булмаган ир-егетләр чакырыла. Аларның һәркайсы медицина каравына, чакыру комиссиясе утырышына яки хәрби хезмәт үтәргә хәрби частька китәр өчен расписка белән алган повесткадагы вакытка һәм урынга барырга тиеш.
Гражданин нигезле сәбәпсез килмәгән очракта хәрби хезмәттән качарга тырышып йөри дип санала. Хәрби һәм альтернатив гражданнар хезмәтеннән качу өчен РФ Җинаятьләр кодексының 328 маддәсендә ике елга ирегеннән мәхрүм итү каралган.