Үзара салым акчасын җыюга старт бирелде

Озакламый бу акча дүрткә тапкырланып, районга кайтачак. Арттырылган акча авылларны һәм район үзәген төзекләндерүгә юнәлдереләчәк.

Бүген акчаны мәдәният өлкәсе, икътисад бүлеге һәм авыл хуҗалыгы идарәсе хезмәткәрләре күчерде.

- Үзара салым акчасы – авылларның конкрет бурычларын хәл итү мөмкинлеге ул. Иманым камил, 500 сум түли алырлык сумма. Яңа балалар мәйданчыклары, юллар пәйда булуны күрү һәркемгә күңелле бит.

Җыелган акча су белән тәэмин итү, бигрәк тә авыл җирлекләрендә мәсьәләләрен хәл итәргә булышачак, - ди мәдәният бүлеге начальнигы вазыйфаларын башкаручы Артур Соловьев. – Быел район үзәге кешеләре бу программада, авыл кешеләреннән аермалы буларак, беренче тапкыр катнашалар.