Якты һәм шатлыклы бәйрәм

Ноябрьнең соңгы якшәмбесендә шатлыклы һәм якты бәйрәм-Әниләр көне билгеләп үтелә.
Лебедино авыл мәдәният йортында бу уңайдан бәйрәм чарасы булып узды. Аңа яшьләр дә, шактый олы яшьтәге әниләр дә чакырылды. Җирле артистларның күңелле такмаклар, дәртле җырлар һәм шигырьләр белән чыгышлары башланыр алдыннан концертны алып баручылар О.Максимова белән А.Морозова хатын-кызларны бәйрәм белән котладылар, гаиләдә һәм җәмгыятьтә ананың роле турында сөйләделәр.
Авылның иң хөрмәтле кешеләре, сугыш һәм тыл ветераннары, терлекчелектә күп еллар эшләгән һәм үз гомерләрендә күпне күргән А. Крайнова белән Д.Мякашкина үз адресларына әле тагын 90 яшьлек юбилейлары белән котлауларны, озак елларга исәнлек һәм иминлек теләүләрне дә ишеттеләр.