Алексеевск районында психологик-педагогик хезмәт
Район мәгариф бүлеге хәбәр иткәнчә, район үзәгендә психологик-педагогик хезмәт эшли башлаган. ППХ - район мәгариф бүлегенең структура бүлекчәсе - үз ишекләрен Некрасов урамының 38 нче йортында (бистәнең беренче мәктәбе бинасы) ачкан. Аның составында - квалификацияле белгечләр: педагог-психологлар һәм логопед.
Редакциягә яңа гына барлыкка килгән хезмәтнең җитәкчесе Ольга Бакараева сөйләгәнчә, ППХ эшчәнлегенең төп максаты -районның мәктәпкәчә балалар учреждениеләрендә һәм мәктәпләрендә эшләүче педагогларны, укучыларны һәм мәктәпкәчә яшьтәге балаларны, шулай ук аларның ата-аналарын психологик-педагогик яктан агарту.
Бу укучыларның күчеш чорларында ияләшү процессында, "һәвеф" төркемендәге балигь булмаганнар эшләре буенча комиссияләрдә исәптә торучы балаларга психологик-педагогик ярдәм күрсәтү; психотроп матдәләр, спиртлы эчемлекләр куллануны, үз-үзләрен дөрес тотмау һәм үз-үзләренә кул салуны булдырмауга юнәлдерелгән эш; мәктәпне тәмамлаучыларга дәүләт имтиханнарына әзерләнгәндә психологик-педагогик ярдәм күрсәтү; мәктәп укучыларының һөнәр сайлау кысаларында мәгълүмати эш алып бару һәм башкалар. Өстәвенә алдарак әйтеп үтелгәнчә, бушлай психологик ярдәмгә балалар гына түгел, ә бәлки өлкәннәр дә мөрәҗәгать итә алалар.
8-960-041-23-58 (Бакараева Ольга) телефоны буенча язылырга мөмкин.
Следите за самым важным и интересным в Telegram-каналеТатмедиа
Нет комментариев