Заря
  • Рус Тат
  • Уңайлы һәм кайгырту палатасы

    20 августта Алексеевск үзәк район хастаханәсендә Бөек Ватан сугышы ветераннары өчен ясалган махсус палатага ВГТРК ("Россия-1") һәм ТНВ телерадиокомпанияләре вәкилләре килде.

    Әлеге палата быел яз Җиңү көне алдыннан "Кадерле ветераныбыз" республика хәйрия проекты кысаларында ачылган иде. Биредә ветераннарга уңайлы булсын өчен бөтен шартлар тудырылган. Телевизор, суыткыч, микродулкынлы мич, диван, раковина, санузел һәм хәтта душ кабинасына кадәр бар. Ачылышка капиталь ремонт үткәрелгән.


    Боларның барысына да Татарстан Министрлар Кабинетының ЗАГС идарәсе начальнигы Эльмира Зарипова, район башлыгы Владимир Козонков һәм "Керамика-Маркет" ЧҖҖның хәйрия ярдәме аркасында мөмкин булган. Палата эшенә социаль мәсьәләләр буенча Татарстан Республикасы Президенты ярдәмчесе Татьяна Ларионова кураторлык итә.


    Хастаханәнең баш табибы Илдар Фәхретдинов, дәүләт һәм иганәчеләр ярдәменнән башка хастаханә үз көче белән генә мондый шартларны булдыра алмаган булыр иде, дип билгеләп үтә:


    Соңгы ике-өч елда хастаханә үзгәреп, матураеп китте, палаталарга да, кабул итү бүлегенә дә капиталь ремонт ясалды. Заманча медицина җиһазларыбыз бар. "Уңайлы мохит" дәүләт программасы кысаларында каты авыруларны ташу өчен лифт ремонтланды. Правослау динендәгеләр һәм мөселманнар өчен гыйбадәт кылу бүлмәләре бар. Ә "Кадерле ветераныбыз" проекты кысаларында терапия бүлегендә барлык яктан уңайлы менә шушы палата пәйда булды. Хәзер шундый ук палатаны хирургия бүлегендә дә җиһазлау нияте бар.


    Хәзерге вакытта палатада 85 яшьлек хезмәт ветераны Петр Семенович Галкин стационар дәвалануда ята. Ул биредәге уңайлыкларга сокланып бетә алмый.


    - Мин олы яшьтәге кеше һәм сәламәтлегем аркасында район хастаханәсенең барлык палаталарында ятып чыктым. Алар барысы да әйбәт, ләкин монысы шундый уңайлы, рәхәт, монда хәтта душ та бар. Үзеңне өеңдәгедәй хис итәсең. Бердәнбер ошамаган нәрсә шул, мин монда ялгыз. Ничектер күнегелмәгән. Ләкин туганнарым килеп йөри, алар белән чәй эчәбез. Барысы да бик уңайлы. Күрше палаталарда ята торган таныш-белешләр дә кунакка кергәли. Алар белән диванга утырып, тормыш хәлләре турында сөйләшәбез. Шәфкать туташлары бик кайгыртучан, яхшы карыйлар, дәвалау да әйбәт.


    Ачылган көннән алып биредә 18 ветеранның дәвалануын өстисе генә кала.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: