1 августтан 2019 елда эшләгән пенсионерларның пенсияләре артачак

Традицион индексациядән аермалы буларак, анда пенсия күләме теркәлгән коэффициентка арта, август аенда яңадан исәпләү пенсионерның хезмәт хакы күләменә бәйле: ул югарырак булган саен, пенсиягә өстәмә күбрәк. Яңадан исәпләү нәтиҗәсендә пенсиянең максималь артуы 2020 ел бәясе буенча исәпләнгән өч пенсия коэффициенты белән чикләнә, ягъни 279 сум. Шулай ук 1 августтан пенсионерларга пенсия акчаларыннан: җыелган пенсиядән, ашыгыч пенсия түләвеннән һәм бер тапкыр бирелә торган түләүләрдән түләүләр күләме арттырылачак. Пенсияне яңадан исәпләү 1748 пенсионерга кагылачак, шул исәптән 1022 ашыгыч түләү алучыга һәм 1470 җыелган пенсия алучыга. Аларның ай саен алына торган түләүләре 2019 елга инвестицияләү нәтиҗәләре буенча төзәтмәләр кертү коэффициентын исәпкә алып арттырылачак. Җыелган пенсия өчен ул 9,1% тәшкил итәчәк, пенсияне финанслашу дәүләт программасында катнашучылар ала торган ашыгыч пенсия түләве өчен коэффициент 7,9% тәшкил итәчәк.