Хисап палатасыннан иксез-чиксез шатлык

Узган җомгада бистәнең үзәк чыршысы әле караңгы төшкәнче үк төрле төстәге утларын җемелдәтеп кабынды: аны тантаналы төстә ачу булды. Бәйрәмдә район үзәге мәктәпләренең башлангыч сыйныфлары укучылары, балалар бакчалары нәниләре һәм "Кайгырту" приютында тәрбияләнүчеләр катнашты.

Яшел урман гүзәле, сокландыргыч әкият персонажлары һәм боз тау-2нче Алексеевск урта мәктәбенең спорт мәйданчыгы янындагы территория инде менә берничә көн дәвамында бала-чаганың яраткан урынына әйләнде. Ләкин бу көнне үзәккә үтәрлек салкын җил исүгә дә карамастан, монда аеруча эссе булды. Атларда йөрү һәм призлар белән күңелле конкурслар, Кыш Бабай, урман җәнлекләре белән уйнау һәм чыршы тирәли җырлап әйләнү, дәртле биюләр һәм коймаклар белән сыйлану-боларның барысы да бу кичне матур әкияткә әйләндерде.
Ә инде икенче көнне бәйрәм мөмкинлекләре чикләнгән һәм аз тәэмин ителгән гаилә балалары янына район мәдәният йортына килде. Аның инициаторлары республика Хисап палатасы вәкилләре булды, алар "Әкият" Казан дәүләт курчак театры артистларының тамашасына үз акчаларын түләделәр. Аны берьюлы 250 бала карый алды, өстәвенә быел хәйрия чыршысына районның авыл җирлекләре укучылары да чакырылды.
Бәйрәмне фойеда бөдрә чыршы тирәсендә театральләштерелгән тамаша дәвам итте. Яңа ел әкиятендә катнашучылар өчен, һәрвакыттагыча, тәмле-татлы пакетлар өләшү иң бәхетле мизгел булгандыр. Хәер, авыллардан бәйрәмгә килә алмаган аз тәэмин ителгән гаилә балалары да күчтәнәчсез калмаячак, аларны алар бераз соңрак алачаклар. Район бюджетыннан бүлеп бирелгән акчага сатып алынган 400 бүләктән кала бу изге эшкә иганәчеләр: "Алексеевск керамикасы", "Керамика-Маркет", "ВАМИН-Татарстан","Гарант" һәм районның башка предприятиеләре, шәхси эшмәкәрләре дә, 170тән артык Яңа ел пакеты әзерләп, үз өлешләрен керттеләр...
Сүз уңаеннан әйткәндә, ТР Хисап палатасы хезмәткәрләре әллә ни ашыкмадылар. Район мәдәният йортыннан соң ук алар "Кайгырту" приютына барып, анда чын тамаша күрсәттеләр. Моннан тыш, "Хисап палатасыннан килгән Кыш бабай белән Кар Кызы социаль яклау бүлеге вәкилләре белән бу көнне район үзәгендә мөмкинлекләре чикләнгән балалар тәрбияләүче өч гаиләдә дә булдылар. Әкият кунакларының котлаулары һәм "ерак Төньяк"тан алып кайтылган татлы призлар йөрәкләре яралы шушы балалар күңеленә шатлык һәм җылылык алып килделәр. Шундый ук гаиләләрдән тагын 7 бала да озак көтелгән бәйрәм алдыннан шундый ук Яңа ел сюрпризлары алачаклар.
...Алда-мәктәп укучылары һәм мәктәпкәчә яшьтәге балаларның Яңа ел һәм Раштуа каникуллары, ләкин нәкъ менә шушы бәйрәм алды "огонек"лары-алар хәтерендә әле озак сакланачак.