Татарстанның пенсия фонды гаризасыз балаларга СНИЛСны рәсмиләштерә башлады

Пенсия фонды номерны әни кешенең шәхси кабинетына җибәрәчәк. Тиешле сервис дәүләт хезмәтләре порталында гамәлгә ашырылган.

Россия Пенсия фондының мәгълүмат системасында ЗАГС реестрыннан килгән бала туу турында мәгълүмат пәйда булгач, баланың шәхси счетның номеры автомат рәвештә рәсмиләштереләчәк һәм дәүләт хезмәтләре порталында әни кешенең шәхси кабинетына җибәреләчәк.

Әлеге сервис Дәүләт хезмәтләре порталында теркәлгән ата-аналарга ачык. Рәсмиләштерелгән СНИЛС турында электрон почта яки смс аша тиз арада хәбәр алу өчен, шәхси кабинетта тиешле көйләгечне сайларга кирәк.

Мөһим! Балаларны уллыкка алган гаиләләр өчен СНИЛС рәсмиләштерүнең элеккеге гариза тәртибе саклана, чөнки кирәкле мәгълүматларны бары тик уллыкка алучылар үзләре генә тапшыра ала.