Заря
  • Рус Тат
  • Югары дәрәҗәдәге ярыш

    Шимбә көнне районыбыз 1998 елгы һәм аннан өлкәнрәк, шулай ук 1999 елгы һәм аннан кечерәк спортчылар арасында бадминтон буенча ТР Кубогы финалына сайлап алу уеннары үткәрү өчен үзәк лиганың 9 районыннан 82 спортчыны кабул итте.

    Ярышлар район үзәгенең 3нче мәктәбендә һәм 1нче спорт комплексында булып узды. Уеннар бер көндә узсын өчен спорт комплексында Казаннан китерелгән махсус түшәмә җәйделәр. Бу мәктәптәге дүрт мәйданчыкка тагын өчне өстәде, ә ул ярышларның гомуми вакытында чагылды һәм катнашучыларны мәйданчыкка чыгар өчен күп сәгатьләр көтеп торудан коткарды.

    Алып кайтылган кортларның өстенлекләре турында 3нче Алексеевск урта мәктәбенең 6нчы сыйныф укучысы Тимур Вәлиуллин сөйләде:

    - Безнең мәйданчыкларда чыгыш ясау бик ошый: тоташтыргычы әйбәт, аяклар таймый, тамгалары бадминтонныкы гына - уйнавы рәхәт. Мәктәпләрдә исә волейбол һәм баскетбол мәйданчыклары сызыклары комачаулый. Әгәр безнең һәрвакыт шундыйлар булса, ярышларда уйнау җиңелрәк булыр иде - мәйданчыкка күнегергә кирәкми. Дөрес, аларның бер минуслары бар: әгәр егылсаң, ут пешереп алгандай тезләреңне сыдырырга мөмкинсең.

    Ярышларның схемасы да тамырдан үзгәрде. Уеннар командалар арасында барачак, андыйларны һәр район күпме кирәк - шуның кадәр тәкъдим итә ала (алексеевскилылар шундый үзгәрештән файдаланып, берьюлы дүртне, ә килүчеләр иң күбе икешәрне чыгардылар). Команда составына ялгыз, парлы һәм катнаш разрядларда уйнаучы ике спортчы малай һәм ике спортчы кыз керә. Җиңүче командалар рейтинг системасы буенча билгеләнә, ягъни һәр матчта җиңгән өчен очколар исәпләнә, аннары алар кушылып, йомгаклау турнир тапблицасына языла. Әйләнә системасы буенча уйнадылар, аннары иң яхшы 4 команда үзара ярышты. Беренче өч команда ярышларның декабрьдә Казанда булачак финал өлешенә чыга. Кубокның югары дәрәҗәсе турында матчларга быел җәй көне Универсиадада эшләгән судьялар хезмәт күрсәтүе дә сөйли.

    Алексеевск спортчылары көтелгәнчә уңышлы чыгыш ясадылар - барлык дүрт команда да финалга чыкты, аларга компанияне Әлки һәм Чистай районнарыннан күршеләребез тәшкил итте.

    Алексеевск командалары өчен Татарстан җыелма командасы уенчылары Анжелика Плотникова белән Тимур Вәлиуллин чыгыш ясады, алар ярышларда Пермьнан кайтканның икенче көнендә катнаштылар. Анда Бөтенроссия ярышлары булып узды, бу ярышларда спортчыларыбыз әйбәт нәтиҗәләр күрсәттеләр - шәхси зачетларда иң яхшы егермелеккә һәм парлы разрядта сигезлеккә керделәр.

    Анжелина Плотникова әйткәнчә, тагын да югарырак нәтиҗәләр күрсәтергә аңа авыруы комачаулаган.

    - Беренче уенымны проблемасыз оттым, ә аннары авырдым, нәтиҗәдә шәхси зачетта 15нче урынны гына алдым. Әллә салкын тидердем, әллә инде берәр нәрсә белән агуландым, - ди ул үзенең ярыш йомгаклары турында.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: