Ә төлке котыру авырулы булган!

Март аеның соңгы көннәренең берсендә Урта Тигәнәле һәм Родники авыллары арасындагы автоюлда автомобиль белән төлке бәрдереп киткәннәр. Соңрак ачыкланганча, җирән хәйләкәр котыру авыруы йоктырган була.
Машина йөртүче үлгән хайванны Алексеевск ш.т.б.дагы йортына алып кайта. Әлеге өйдә яшәүчеләрнең җәнлеккә кагылулары үзләренең сәламәтлекләре өчен курку хисе тудыра, һәм алар Гигиена һәм эпидемиология үзәгенең Алексеевск бүлегенә шалтыратырга мәҗбүр булалар. Шул ук көнне төлке район ветеринария станциясенә, шуннан соң котыру авыруы шиге белән Казанга озатыла. Алдан куелган диагноз раслана.
Әлеге вакытка авыру җәнлек белән бәйләнешкә кергән ветеринария табибы һәм бөтен гаилә әгъзалары вакцинация үтәләр. Чараларның кирәкле комплексы котыру авырулы төлке булган йортта да үткәрелде.