Балалар думасы бурычларны билгеләде

Ноябрь азагында V чакырылыш балалар район Думасының I сессиясе булды.
Сессия "Мәгариф" илкүләм өстенлекле проектын тормышка ашыру кысаларында балалар иҗаты үзәге тарафыннан дәүләт балалар һәм яшьләр сәясәтенең өстенлекле юнәлешләрен эшләүдә һәм тормышка ашыруда яшьләр инициативасын үстерү һәм хуплау максатында оештырылды. Анда балалар республика Думасы депутаты-2нче Алексеевск урта мәктәбенең 10нчы сыйныф укучысы Алена Атарбаева, район Думасы депутаты-Зур Полянка мәктәбе укучысы Андрей Герасимов һәм балалар район Думасының башка депутатлары катнашты.
Әлеге очрашу вакытында түбәндәге бурычлар билгеләнде: 2010-2011 уку елында оешма эшенең нәтиҗәлелеген бәяләү; киләсе уку елына эшчәнлек планын эшләү; "Әйләнә-тирә дөньяны кызыксынып тикшерүчеләр", "Иксез-чиксез иҗат", "Бәхет сукмагы" һ.б. кебек проектларны эшләү һәм раслау.